Alex,
Bay, ayaw lang pagpakawa sa paglaum. Basin temporary ra na kay kalit ra man kaha na sa pagsugod sa dihang gasige mo og lalis ni misis. Basin og na-stress ka lang. Kana, bisan di ko eksperto, makaingon gyud na nga bunga na sa way pahuway. Dili lang sa kusog, kon di sa imong hunahuna. Kon ang utok na gani ang maluya, apektado gyud na ang ubang organs nimo.
Commonsense, kon kapoy imong utok, lami ikatug. Bisan unsa kalami sa sud-an, basta duka na, di gyud makadani, di ba? So, relax. Basin unconsciously naa kay kahiubos sa imong misis nga naaka trigger sa pagka wala niana. Unya kaon og himsug nga pagkaon.
Relax and think how nice being with your wife nga di mo mag-away. Daghan na sad mga supplements ron nga naay ginseng nga gamit na kaayo sa uban ug napamatud an na. Pero if symptoms persist, konsulta na gyud ka sa usa ka doctor para mahatagan na og pagtagad ug mamaayo ka dayon. Kana lang ug daghang salamat sa imong tampo.
PAPA JOE
Gipatik sa mantalaang SuperBalita Cebu Pebrero 22, 2012.Linkback:
https://tubagbohol.mikeligalig.com/index.php?topic=47751.0