Author Topic: Naproblema sa bana nagpaligis, natabang; milala og hilo, naluwas gihapon  (Read 1292 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Ni KRIS C. SIALANA


PADAYON pa nga gi-atiman sa mga mananambal ang usa ka asawa human misulay sa pagpakamatay gumikan sa problema sa iyang bana niadtong Dominggo mga alas 7:00 sa gabii.

Nilanding sa Northern Mindanao Medical Center (NMMC) ning siyudad sa Cagayan de Oro ang biktima nga nailang si Beatrice (bansagon gitago), 48, minyo ug lumulupyo sa Dansolihon ning siyudad.

Sa impormasiyon gikabutyag nga gumikan sa pagkapuno na sa maong biktima sa binuhatan sa iyang bana hinungdan nga nakahukom na kini nga kutlo-on ang hinulamang kinabuhi pinaagi sa pag-inom og hilo sa ilaga.

Gikabutyag sa anak sa biktima nga nasuko ang ilang amahan sa dihang gi-apas sa asawa nga nag-inom sa silingan kay lage nahadlok kini og matripingan sa mga tambay.

Nagkalalis matud pa ang duruha ug nagbinayloay sa hait nga mga pulong ilabi na ang ilang amahan ngadto sa biktima kinsa gipakaulawan pag-ayo pinaagi sa pagsinggit-singgit sa mga malaw-ay nga mga pulong hinungdan nga gikasakit kini sa asawa ug misangpot sa pagsulay niini sa pagpakamatay.

Nakurat na lamang kini sa dihang nasuta sa igsoon nga nanirado sulod sa comfort room ang biktima ug sa dihang gipugos sa pag-abli nasutang nagkutaw kini og hilo sa ilaga ug giyarok niini.

Nasayran usab nga kini ang ikaduha na nga higayon sa pagsulay sa biktima sa pagpakamatay diin ang unang higayon giingong misulay kini sa pagpaligis sa usa ka bus ug napugngan sa dihang napara sa ilang uyoan ang maong sakyanan gumikan na usab kay daghan matud pa og textmate ang maong bana niini.

Sa pagsulat niini nga balita padayon pa nga nagpaalim sa nahisgutang balay tambalanan ang maong biktima.


Gipatik sa mantalaang Superbalita Cagayan de Oro Nobyembre 22, 2016.

Linkback: https://tubagbohol.mikeligalig.com/index.php?topic=83261.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: