Ni Garry Fuerzas
Saturday, November 3, 2012
http://www.sunstar.com.ph/KORONADAL CITY - Usa ka misis ang nasakpan sa bana nga giromansa sa kostumer sa ilang tindahan atol sa pagsaulog sa Adlaw sa Minatay.
Nahitabo ang insidente alas 7 sa gabii niadtong Huwebes didto sa Polomolok, South Cotabato samtang nag-inom sila sa tindahan.
Mireklamo sa Polomolok Police Station ang bana nga giila nga si alyas Mario batok sa asawa nga si alyas Monique nga matud pa, nagbinuang kaniya human nga nakigromansa sa usa ka nagpangalang Rayson.
Gisaysay ni Mario nga iyang giagda ang iyang asawa nga mag-inom kauban si Rayson nga ila sab nga kustomer sa tindahan.
Samtang nag-inom, namatikdan sa bana nga maayo kaayo ang pagtagad sa iyang asawa ngadto sa ilang kustomer.
Misamot pa ang iyang pagduda sa dihang namatikdan niya nga nagkinuhitay sa ilang mga tiil ilalom sa lamesa ang duruha.
Sumala pa nga gibalewala lang una sa bana ang nahitabo apan mihimo na siya og paagi aron nga iyang mapamatud-an nga nagluib ang iyang asawa kaniya.
Nagpakaaron-ingnon siya nga hubog na ug nagpatulog-tulog sa lamesa.
Wala madugay iya gyud nga naaktuhan nga gihukas na ni Rayson ang sinina sa asawa apil na ang iyang underwear.
Sa maong higayon, gisita sa bana ang maong lalaki hinungdan nga gilayong midagan siya.
Luyo sa gibuhat ni Monique, walay plano si Mario nga pasakaan siya og kaso.
Linkback:
https://tubagbohol.mikeligalig.com/index.php?topic=56442.0
Topic: Misis nasakpan sa bana nga giromansa atol sa pagsaulog sa Adlaw sa Minatay (Read 1798 times)