Ni JEEPY P. COMPIO
USA ka asawa ang mipatim-aw sa buhatan sa San Pedro Police Station gumikan iyang i-reklamo ang iyang mister nga midulog sa batan-on nga kaipon sa iyang amahan.
Alas 9:00 kagahapon sa buntag, misumbong sa kapulisan si alyas Marife (bansagon gitago), nagpuyo sa Barangay 5-A, Bankerohan, kinsa giuban niya ang tulo niya ka gagmay nga anak.
Sa impormasyon nga nahagpat sa Sun.Star SuperBalita, nasayran nga daghan nang higayon nga nasakpan ni Marife ang iyang mister nga nakigdulog sa 19-anyos nga kabit sa iyang amahan.
Gi-ingon nga kung di mabantayan ni Manong Cardo, amahan ni Marife, laborer, ang iyang kaipon nga si alyas Sheila, kamangon sa iyang bana.
Dunay higayon nga iya kining nasakpan, gisukmatan niya ang iyang bana apan nasuko kini ug gidapatan siya gamit ang kumo.
Gisuginlan sab ni Marife ang iyang amahan apan di kini motuo ug gisinghagan siya ug nadapatan sab sa kinumo.
Si Marife gimandoan sa desk officer sa presinto dos nga ipatawag ang iyang bana ug ang iyang amahan sa barangay aron didto sila maghusay.
Gipatik sa mantalaang SuperBalita Davao Hunyo 18, 2015.
Linkback:
https://tubagbohol.mikeligalig.com/index.php?topic=80896.0