Author Topic: Sa makausa pa, amahan gikulata sa anak  (Read 978 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Sa makausa pa, amahan gikulata sa anak
« on: February 25, 2016, 09:06:23 AM »
Ni KRIS C. SIALANA


NAGKADUGO ang baba ug hubag ang mata sa usa ka amahan human gikulata sa iyang anak ug nidangop sa kapolisan sa Police Station 3 (PS3) sa Agora, dakbayan sa Cagayan de Oro.

Nagpakitabang sa kapolisan ang biktima nga naila nga si Roy (bansagon gitago), 62, minyo human kulataha sa anak nga si Rey (dili tinuod nga ngalan), 42, ulitawo ug pulos residente sa Capistrano Complex, Gusa, ning dakbayan.

Sa pakighinabi sa Sun.Star SuperBalita ngadto na sa biktima, gibutyag niini nga kanunay kini buhaton sa iyang anak ngadto na kanila nga iyang mga ginikanan.

“Kanunay gyud na siya nga ingon ana, iyang inahan iya lang nang gabalikason ug dali ra kaayo masuko,” butyag sa biktima.

Giingong nasuko pag-ayo ang suspetsado kalabot sa usa ka wala ikabutyag nga tawag sa telepono ug nalakip na ang mga kanhing mga panagbingkil ug problema kaniadto tali sa mag-amahan.

Sa pagsulat niini nga balita, temporaryong detinado sa mini-cell sa PS3 ang nahisgutang suspek.


Gipatik sa mantalaang Superbalita Cagayan de Oro Pebrero 24, 2016.

Linkback: https://tubagbohol.mikeligalig.com/index.php?topic=81925.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: