Sugilanong KD nga mahitabo sa kalag-kalag
Si Anding Sanay usa ka mananabtan sa among lugar. Iyang na memorize
ang siyam ka gabii nga novena sa mga kalag. Matag gabii gikan sa Oct. 24
hangtod sa Nov.2 moabot ug walo ka balay ang iyang panabtan . Gabii na
makapauli, apan dili siya mahadlok sa mga abat-abat o kalag-kalag sa dalan
kay iya ra mang pangngadyean.
Usa ka gabii, mga alas onse na, gibabagan siya sa dalan ug mga kalag nga
nagdala ug mga kandila. Dili makita niya ang mga nawong kay nagpurong
ug itom nga panyo. Mihunong siya ug nagsugod dayon siya ug pangadye sa
novena sa mga kalag.
Sa langub among gipuy-am, imo kaming panabangan.
Kay gilibutan man sa mga kasakit ang tanan
Gihuyop sa kanunay sa Diosnon nga kinaadman.
Mga kalag sa purgatoryo, gawas diha kon kamo gialimot-an.
Mga salbahis pahawa mo diha sa akong agianan.
Wala gihapon mohawa ang mga kalag. Mipadayon siya sa pagpangadye..
Kuta ni David , Kuta ni Tiposo
Balay nga bulawan, Arca sa Diyos
Ganghaan sa langit, bituon sa kabuntagon
Dalangpanan sa mga makasasala..
.........................
Wala gihapon mohawa. Mipadayon siya sa pagpangadye. Iyang gi modify
Ingon niini:
Mga kalag nga naa sa akong atubangan
Luwason mo Ginoo ang ilang mga kasal-anan.
Mga kalag...........
Luwason mo...........
Iyang gibalik-balik hangtod nawala ang mga kalag. Nahiabot siya sa iyang
balay alas dose na sa gabii. Matod niya, kadtong mga kalag ,wala mahiluna
sa purgatoryo kay walay naga-ampo nila.
Linkback:
https://tubagbohol.mikeligalig.com/index.php?topic=12525.0