SuperBalita Cebu
Saturday, July 24, 2010
Ni Joy F. Tumulak
BANA nga paralisado nga wa na dulgi sa iyang asawa nagpakamatay sa miaging adlaw sa ilang balay sa Sityo Mohon, Brgy. Tisa, dakbayan sa Sugbo.
Unang nakakita kaniya nga nagbitay sud sa ilang balay mao ang iyang 4-anyos nga apo nga babaye nga nagduwa og takyan.
Ang biktima nga Nito, 57, usa ka paralisado.
Si PO3 Geofrey Gutual sa Homicide Section sa Cebu City Police Office (CCPO) nagkanayon nga nagduwa og takyan ang apo ni Nito.
Napunta sa ikaduhang andana sa balay ang takyan hinungdan nga iyang gisaka.
Pagdayong sulod sa bata sa ikaduhang andana sa balay sa iyang apohan, maoy iyang nakita ang iyang lolo nga nagbitay sa sala nga naghigot og pisi sa liog.
Sa imbestigasyon nga gihimo sa kapulisan nasayran nga naproblema ang biktima tungod sa iyang pagka-paralyze.
Niadtong Abril nisuway na usab sa pagpakamatay ang biktima pinaagi sa pag-inom og toilet bowl cleaner.
Apan natabang ra kini human madiskitahe sa iyang asawa.
Nasayran usab sa kapulisan nga nagka-away-away ang magtiayon ug sulod na sa usa ka buwan wa na motupad ang iyang asawa.
Nipasangil ang asawa nga manapat ang iyang bana hinungdan nga wa na siya modug niini.
Matod niya nga gilain kini pagsabot sa iyang bana, kinsa nagduda nga duna siyay laing gikabuangang lalake.
Linkback:
https://tubagbohol.mikeligalig.com/index.php?topic=30693.0
