Ni JAIME A. FRIAS II
SUNOD-SUNOD nga mga torneyo ang ipahigayon dinha sa Misamis Oriental Capitol Chess Club sugod karong adlawa.
Mianunsyo si MisOr Chess Club coordinator Lorenzo Cuizon Jr. nga sugdan karon ang 1st RMN&IFM-Governor Bambi Emano 13-Under Rapid Chess Tournament karon.
Mangulo ani si 5-time RP-Asean age group qualifier Ronald "Ron-ron" Canino sa maong torneyo, nga morepresentar na sab sa Pilipinas sa Asean Age Group karong Hunyo sa Singapore.
Ang kampyeon niini modawat og Php 2,500 samtang Php 1,500 ug Php 800 alang sa ikaduha ug ikatulo nga pwesto.
Alang sa ikaupat paingon sa ikanapulo modawat og 250 matag usa.
Sundan dayon ugma ang torneyo sa Explore MisOr ang Rating 2050 nga torneyo.
Sunod semana sa Hunyo 6, ipahigayon ang 2nd Dev'Tal Chess League for Rising Stars.
Mokabat sa Php 1,000 ang mokampyeon samtang P800 ug Php600 sa ikaduha ug ikatulo nga pwesto.
Alang sa ikaupat paingon ikapito modawat og Php 500, Php 300, Php 200 ug Php 100.
Gipatik sa mantalaang SuperBalita Cagayan de Oro Mayo 23, 2015.
Linkback:
https://tubagbohol.mikeligalig.com/index.php?topic=80005.0