Ambot ba
Ambot ngano wala ko kabalo
Padung ko mo-adto wala naka didto
wala ka motawag para ipabalo
nag sige lang ko ug paabot kanimo hantod paniudto
Milabay ang mga panahon wala kay balita
Ang imong larawan nag sige sa akong huna-huna
Unsaon nako pag-kalimot ubos nakong tinguha
Sa handurawan ikaw akong pinangga
Gibati nako ang tumang kagool
Kay milakaw ka wala may agol-ol
Unsa akong gi buhat nag sige nalang kog bagol-bol
Kay dili nako ka concentrate sa duwang basketbol
Haskang pagkaunsa-a mikalit lang ka ug kabanhaw
Wala ko magdahum ug unsay imong laraw
Ayaw pag kurat-kurat kay wala ko malipay
Imong gi biyaan ko timos mong pagkandalisay
Wala nako magdahom nga mobalik ka pa
Akong gi lubong ning gugma sa mahalong garapa
Ayaw nako pag hinumdoma pa
Kay dili nako gusto mobati ug mahigugma
Padayon sa imong ambisyon sa kinabuhi
Ayaw paapekto sakit nimong gi bati
Hindumi kanunay nga ang kinabuhi sa kasakit
Dili makalimtan bisan imong paningkamot nga mabugti
Ambot ngano ako na higugma pa kanimo
Bisan kapila ka nako gi kalimtan sa akong ulo
Pero imong hulagway dako kaayo
Sa kasing-kasing nako ikaw akong gi pa puyo.
Adto nako ambot ba
Ngano dili ko kalakang sa akong mga paa
Morag magpanglingi ako sa imoha
Akong hangyo ayaw nako entertina pa.
Mike
Linkback:
https://tubagbohol.mikeligalig.com/index.php?topic=19857.0