Nag-inusarasinulat ni M. O. Ligalig
nag-inusara akong naglingkod
atubangan sa lingin nga lamesa,
hinay kong gidim-dim ang tubig
nga nahilis sa bugnawng baso.
miduol ka, mitindog sa kilid,
apan kinsa ka?
nagkatagbo na ba
ang atong mga dalan kaniadto?
gipangutana mo ako
kung aduna ba akoy kauban;
gitubag ko lang ikaw ug pahiyom.
unya, kalit nga mitugpa
ang naggilak mong ngabil
sa hawanan sa akong aping.
nakurat, natingala ko.
gilingi ko ikaw gilayon
apan mao nalay akong naabtan
nga gisuyop ka na
sa kiat nga kangitngit,
ug wala na ako mahinumdum
kung asa ako padulong.
Linkback:
https://tubagbohol.mikeligalig.com/index.php?topic=3694.0