contributor: Terry
Unsa kaha kung ang mga isda magpuyo sa kayutaan;
Mulakaw ba kaha sila o magkamang?
Mabuhi pud ba kaha sila?
Unsa kaha?
Unsa kaha kung ang mga tao pud naa ilawom sa katubigan;
Magpunay na lang ba kaha silag salum?
Hala ambot unsaon na lang
Lisud pamalandungon.
Unsa kaha kung ang mga dagkung punuan sa kahoy;
Makaistorya sa tanang sekretong iyang nakit-an?
Makauulaw gayud sa mga tawong
Adunay gibuhat nga dautan ilalom sa iyang punuan...
Unsa kaha ang mahitabo kung ang mga kabaw maoy magdaro
Ug ang tawo maoy kabaw?
Kalain gayud, palunangon sa mahugaw ug lapok;
Kasakit sa likod...
Unsa kaha kung mabali ang kalibutan;
Ang babaye di na manganak apan sila ng mga lalaki?
AMBOT.... AMBOT...
Unsa gyud kaha no ang mamahimong nawong
Sa atong kalibutan???
Unsa kaha???
reference: Gènawah is the Literary Folio of the Cordial, Official Student publication of CJC, Digos. The word Gènawah originate from Tagacaolo which means, heart* puso* jantong* kasingkasingLinkback:
https://tubagbohol.mikeligalig.com/index.php?topic=72543.0