Ug karon napamatud-an na
Nga ang alimyon
Sa rosal sa imong nataran
Nga mopuno sa ahong payag og kahumot
Uban sa nagsingabot nga kangitngit sa kilum-kilum
Nahisalaag lang
Da sa hoyohoy nga way kaugalingong buot.
Pasayloa ako kung nadani
Sa dalisay nga kahumot
Sa rosal sa imong nataran
Bisan nga nahibawo ako
Nga lain ang imong gipahinungdan niini.
Paningkamutan ko nga dili na mausab
Ang pagpahimulos ko
Sa kalipay nga kinabig lang sa hangin.
Linkback:
https://tubagbohol.mikeligalig.com/index.php?topic=6692.0