Ang tungaw bow wa wow!
Ang tungaw maoy mamaak kanunay matag-adlaw
Mo lukluk bisan asang dapit ug bisan pa sa lim-aw
Nasusama sa langaw nga gadala ug kagaw
Ayaw pagkumpyansa kung ikaw gitungaw
Bisan makit-an ka nga ikaw morag giti-aw
Mokalit lang ug takilid unya dayong pang lingi ug manglantaw
Kay kaluton ang parti sa lawas nga gipuy-ag tungaw
Ug kung mahitabo man kini sa imoha akong amigo
Haplasi kini sa lana ug inum sa tubang sinabado
Dagkuti ang lamparilya nga ta-as ta-as ang pabilo
Inudnud unya diha sa parti sa lawas nga mura nag kalbaryo.
Ug kung inyo kining mabasa, ayaw biya ninyo kini seryosoha
Ang sugyot sa ubos ninyong amigong nagpunay ug labyog ning duyan nga nag inusara
Bunga lang kini sa akong pagkantakanta nga ako ra usa
Ilalom sa punu-an ug kung tawagon natog nara.
Vhinz08 as in Bintoy toratoy.
Linkback:
https://tubagbohol.mikeligalig.com/index.php?topic=26311.0