Sundang ‘Kong Nagibangby:
BugsaySa bag-o pa kini hait kaayo
Sinubhan sa sabon ug kayo
May pikit nga uway ang puloan kahoy’ng bayabas
Pugong kini aron di mabuak inig tigbas
Siging gibaid aron sinaw permi
Sakuban haum kaayo ug nindot ang kurti
Sa hawakan matag adlaw kauban
Kong motanda ko’s akong umahan
Usa ka adlaw nanghohoy akong abaga
Gihulaman ug giuli nga labihayng gibanga
Pagtigbas kuno sa kahoy nga gahi
Nidalipyas ug ang bato sa ubos ang nibiti
Paglabay sa mga bulan mura nag daan
Wa na natagad ug napasagdan
Sa sakuban perming wa gikauban
Bisan asa nalang nako makit-an.
Unsaon pa man ka nako karon
Pagkakaron wa koy plano nga akoa kang gamiton
Moadto ta’s manawsaway sa centro
Pagamyan ko ikaw ug himoong kutsilyo
Sa panginabuhi ang sundang daghan ug pulos
Sa akong hawakan dapat perming nay matikos
Moadto ko karon sa mercado
Kay mopalit nalang ako ug bag-o
Makita mo nga sija way bisan gamayng gibang, unja nagsinaw pa gajod.