Author Topic: Nindot akong gugma  (Read 1117 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Nindot akong gugma
« on: March 02, 2015, 06:03:51 PM »
Nindot akong gugma
ni Jose Lebumfacil Tomarong


NINDOT akong gugma
Ikaw may kahayag
Ang imong pahiyom
Kanako mibanwag
Paglaom misidlak
Ikaw akong balak
Bituon nga matahom
Ikaw diay gugma
Nga migilak.

Di ikaw damgo lamang
Kay ang pag-angkon ko nimo
Iya man sa Kahitas-an.
Gikinahanglan ang gugma
Mong balaan makigduhawit
Sa awit sa panaghiusang
Katumanan diha sa ampuanan—
Sa pagbugkos sa saad
Nga wa nay pagkahagtos.

Kon wala kini ikaw nindot
Nga gugma ko pait-tam-is
Nga damgo lamang,
Kasinatian sa panaw sa gugma
Ning dughan, mahimong handumon
Kanunay ug mahimong hikalimtan.

Nindot akong gugma
Apan kahibulongan
Nganong nagpakita ka man?
Gitudloan mo ako paghigugma
Nga unta ikaw damgo lang diay
Nga di maangkon nga kalipay.

Linkback: https://tubagbohol.mikeligalig.com/index.php?topic=79589.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: