travel insurance protection insured trip abroad security

Author Topic: Niñal: Tagay sa kausaban  (Read 504 times)

hubag bohol

  • AMBASSADOR
  • THE SOURCE
  • *****
  • Posts: 88425
  • "Better to remain silent and be thought a fool...
    • Share Post
Niñal: Tagay sa kausaban
« on: May 12, 2016, 12:43:07 PM »
Ni INSOY NIÑAL


MATOD pa sa kampo ni Davao City Mayor Rodrigo Duterte, seryoso niyang gihunahuna ang pag-implementar og liquor ban tibuok nasod inig lingkod niya isip presidente.

Kon madayon ni, dili na pwede ang pagbaligyag ilimnong makahubog ala una sa kadlawon. Kinahanglang inig ala una, wa nay magtagay sa gawas. Katong wa pa nahubog, sa balay na magtiwas.

Gihimo na ni sa Davao City. Kapila na sab ko kalaag didto ug tinuod mingaw na gyod ilang syudad lapas alas dose.

Dakong isyu ni natong mga Sugboanon. Unsaon na lang ang atong naandan nga buntagay kon magtagay? Kita ra ba magsugod og tagay ari na’s alas diyes sa gabii kon di man gani alas dose. Kon madayon ni, wa pa nanginit atong nawong liquor ban na.

Usa pa, dakong tourist attraction sa Cebu ang tagay daplin sa dan, labi nag magsuka na ta sa kahubog ug maghubo nag purol ug magsayaw-sayaw. Malingaw magtan-aw ang mga foreigner nato ini kay exotic kuno. Imadyina ang kadaot ini sa atong tourism industry.

Kon sa balay sab ta magtiwas, ganahan ka magtagay nga nagtan-aw imong nanay?

Linkback: http://tubagbohol.mikeligalig.com/index.php?topic=82268.0
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 88425
  • "Better to remain silent and be thought a fool...
    • Share Post
Re: Niñal: Tagay sa kausaban
« Reply #1 on: May 12, 2016, 12:44:33 PM »
Gikonsulta nako akong mga amigo sa Davao. Ingon sila magsugod silag inom inig humag trabaho o eskuyla, mga alas says sa hapon. Wa pay alas dose good na sila. Katong makuwangan, mamalit lang kunog beer daan aron sa balay na magtiwas.

Pero di man tingali ni magsilbi. Diri sa Cebu naa tay expression nga “naglami.” Dugay ko nakauli kay “naglami” ang tagay. Wa na ko kabantay sa oras kay “naglami” ang tagay. Basta maglami na gani, diretso na gyod na’s kadlawon, bahalag ala una pa ka’s hapon nagsugod.

Kinahanglan tag radical measures ani because, you know, change is coming. Suportahan nato ang liquor ban, apan mangita tag paagi.

Ang akong nahunahunaan, balihon nato atong working hours diri sa Cebu. Imbis nga alas otso ngadto’s alas singko sa adlawan, atong himoong alas otso sa gabii ngadto’s alas singko sa buntag aron di ta maigo sa liquor ban.

Ingon ani ang mahitabo: Ang pamahaw nato ari na’s alas says sa hapon. Sugod tag trabaho alas otso sa gabii. Lunch break tag alas dose sa gabii. Trabaho tag balik ala una sa kadlawon. Gawas ta alas singko sa buntag aron manihapon tag alas says.

Human sa 6 a.m. dinner, tagay na dayon ta. Udtong tutok tipsy na. Ala tres sa hapon hubog na gyod tingali ta. Uli ta aron matug gamay. Momata na pud para mamahaw alas says sa hapon.

Tan-awa, samtang nag-liquor ban tibuok nasod, nag-trabaho ta. Samtang nagtrabaho tibuok nasod, nagtagay ta.

Gihimo na ni sa mga nagtrabaho sa call centers. Hinaot hatagan ta nilag advice mahitungod ani. Panahon karon sa kausaban. Magtinabangay tang tanan. O, imo ning tagay. (@insoymada)


Gipatik sa mantalaang Superbalita Cebu Mayo 12, 2016.


hubag bohol

  • AMBASSADOR
  • THE SOURCE
  • *****
  • Posts: 88425
  • "Better to remain silent and be thought a fool...
    • Share Post
Re: Niñal: Tagay sa kausaban
« Reply #2 on: May 12, 2016, 12:47:07 PM »
Aprub ko ani nga sugyot. Labi na kay wa koy trabaho, OK kaayo ning hubog na ta adlawan pa...


;D



Share via facebook Share via linkedin Share via pinterest Share via tumblr Share via twitter

xx
Tagay!

Started by hubag bohol on Tira-Pasagad | Saksak-Sinagol

0 Replies
193 Views
Last post May 20, 2011, 01:48:31 PM
by hubag bohol
xx
Tagay!

Started by hubag bohol on Health and Food

7 Replies
402 Views
Last post June 09, 2011, 11:05:46 AM
by hubag bohol
xx
10 rules sa tagay

Started by jorgeanna on Jokes and Humor

4 Replies
885 Views
Last post October 09, 2010, 11:00:58 AM
by hubag bohol
xx
10 Rules of Tagay

Started by Lollapalooza on Jokes and Humor

52 Replies
1988 Views
Last post October 01, 2012, 09:06:37 AM
by hubag bohol
xx
Tagay with tuba dispenser

Started by hubag bohol on Health and Food

5 Replies
905 Views
Last post March 14, 2012, 12:27:52 AM
by chicogon
 

SMF spam blocked by CleanTalk
ESET Antivirus and Internet Security for Mac computers and laptops - Save 25%
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2017, SimplePortal