by Arian Rey Tejano
kung ako
mabuhi pag-usab
pilion nako
ang kinabuhi
sa lapis:
bisan kung naa may kapakyasan,
mapapas ra kini.
bisan kung mahabol man ang akong panan-aw,
mahait ra kini.
bisan kung maglisud man ko’g duyog sa kalisud,
naa gihapoy mogunit sa akong agi.
bisan kung maupos man ko, apan dili sama sa usa ka kandila,
dili ko mamatay.
kung ang kandila mawad-an ug kahayag,
ang akong kahayag mabilin
sa papel nga puno ug balak
nga mudugay pa sa pipila
ka panuigon.
Linkback:
https://tubagbohol.mikeligalig.com/index.php?topic=12740.0