Author Topic: Kagaw sa kahanginan  (Read 1334 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Kagaw sa kahanginan
« on: September 17, 2015, 08:18:01 AM »
PUYRA BUYAG
Ni ERNESTO LARIOSA


GITUKMOD ko sa panahon sa pagpaminaw sa mga komentarista sa radio. Kay lagi umaabot na ang eleksiyon ganahan kong maminaw sa nagdilaab nga mga pulitikanhong isyu nga ilang tukion.
Hapit na usa ka dekada nga wa na ko maka-monitor og radio human sa akong pag-retiro sa National Food Authority (NFA) isip spokesman sud sa 28 ka tuig. Kay anha na ko magyampungad sa akong telebisyon.

Usa na ka buwan nakong paminaw sa mga komentarista. Dali kong nadakop pagbalik sa akong paborito nga sila si Bobby Nalzaro, Cesar Albor, Ruphil Banoc, ug Nanding Celeste nga way pagka bahar.

Apan sa pagpalapad ko sa akong pagpaminaw ka­daghan ko mahitiurok ngadto sa pagkalukapa sa akong nadungog nga komentaryo sama niini: “Baga kag nawong, giluklok mong kuwarta sa imong bulsa nga di imo. Maayo kang ipahabhab sa akong mga iro!”

Duna say ingon niini: “Gipaangkan mo ang imong nars makaduha. Pobre nga mobilangkad tungod sa imong kuwarta. Kaluoy nag-ilo nimo hikap sa imong itlog unya imong gipaangkan. Pastilan, ka wa nimoy batasan, unya modagan sa taas nga puwesto sa lalawigan!”

In fairness, makamao ra ba ni sila manglitok sa atong pinulongan. Makamaong manulti. Apan, na­nabwag mga pulong nga nalimisan sa kagaw nga nangapyot sa atong kahanginan. Gutter language!

Gimingaw ko sa kanhiayng ngilngig nga mga komentarista sama nila ni Migs Enriquez nga gianggaag “the conscience on air.” Ang maisog nga David Ompoc, Vic Abangan, Vic Villordon ug Manny Rabacal.

Sila manandok sa kilid, apan sa pinulongan nga pinugngan sa kahugaw. Tapot kanunay sa mga isyu ang ilang pagtuki. Makainsulto man apan gitumong sa performance sa usa ka opisyal.
Ang di ko makalimtan mao si Talyux Bacalso “King of Talk” kansang pinulongan nagmabdos sa kahulogan ug panag-amgid. Satirical kaayo nga molugdang sa pagpatin-aw nga makalingaw.

Nanurok karon daw uhong sa kadaghan ang mga blocktimer tungod kay gisuholan sa mga pulitiko. Kini sila daling matental nga mogamit og gutter language aron mobelib nila ang nagsuhol kanila.

Kinsa may mobalibad og kuwarta kanato? Wa seguro. Apan angayng likayan ang pagbinastos sa ka­hanginan. Ang komentarista adunay dakong responsibilidad sa kalambuan sa moralidad sa katilingban. Pag-umol sa mga batan-on sa katarong ug pagtahod.

Ang laing ngil-ad mao kon ang komentarista di maghuwat nga hatagan kay mangayo gyud sa usa kandidato bugti sa pagdayeg niini. Ang labawng ngil-ad mao kon ang komentarista mahimong extortionist o blackmailer sa kahanginan.


Gipatik sa mantalaang SuperBalita Cebu Septembre 16, 2015.

Linkback: https://tubagbohol.mikeligalig.com/index.php?topic=81001.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

islander

  • SUPREME COURT
  • THE LEGEND
  • *****
  • Posts: 46867
  • If you're from Pluto, you're welcome.
    • View Profile
    • Book Your Travel Tickets
Re: Kagaw sa kahanginan
« Reply #1 on: September 17, 2015, 06:07:18 PM »

puyra gaba gyod tuod ning ilang gutter language.

Linkback: https://tubagbohol.mikeligalig.com/index.php?topic=81001.0
Republic Act 8485 (Animal Welfare Act of 1998, Philippines), as amended and strengthened by House  Bill 6893 of 2013--- violation means a maximum of P250,000 fine with a corresponding three-year jail term and a minimum of P30,000 fine and six months imprisonment

Book your travel tickets anywhere in the world, go to www.12go.co

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Kagaw sa kahanginan
« Reply #2 on: September 17, 2015, 08:56:19 PM »
“Baga kag nawong, giluklok mong kuwarta sa imong bulsa nga di imo. Maayo kang ipahabhab sa akong mga iro!”

puyra gaba gyod tuod ning ilang gutter language.

Aw, precise jud hinuon ang word choice... ;P

Linkback: https://tubagbohol.mikeligalig.com/index.php?topic=81001.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Re: Kagaw sa kahanginan
« Reply #3 on: September 17, 2015, 08:59:16 PM »
“Gipaangkan mo ang imong nars makaduha. Pobre nga mobilangkad tungod sa imong kuwarta. Kaluoy nag-ilo nimo hikap sa imong itlog unya imong gipaangkan. Pastilan, ka wa nimoy batasan, unya modagan sa taas nga puwesto sa lalawigan!”

Kini kay mas graphic, wingig jud ang hingtungdan... ;D

Linkback: https://tubagbohol.mikeligalig.com/index.php?topic=81001.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

MikeLigalig.com

  • FOUNDER
  • Webmaster
  • *****
  • Posts: 33284
  • Please use the share icons below
    • View Profile
    • Book Your Tickets on a Budget
Re: Kagaw sa kahanginan
« Reply #4 on: November 06, 2015, 08:22:46 PM »
Sugod na pud ni nga mga pulong karong eleksyon puhon.

Join Tubagbohol via Tapatalk, a free app for Android phones and tablets



Linkback: https://tubagbohol.mikeligalig.com/index.php?topic=81001.0
John 3:16-18 ESV
For God so loved the world, that he gave his only Son (Jesus Christ), that whoever believes in him should not perish but have eternal life. For God did not send his Son into the world to condemn the world, but in order that the world might be saved through him. Whoever believes in him is not condemned, but whoever does not believe is condemned already, because he has not believed in the name of the only Son of God.

👉 GET easy and FAST online loan at www.tala.com Philippines

Book tickets anywhere for planes, trains, boats, bus at www.12go.co

unionbank online loan application low interest, credit card, easy and fast approval

Tags: