Booking.com

Author Topic: Harana ni Bosyong  (Read 552 times)

hubag bohol

  • AMBASSADOR
  • THE SOURCE
  • *****
  • Posts: 88225
  • "Better to remain silent and be thought a fool...
Harana ni Bosyong
« on: November 07, 2015, 08:37:09 PM »
Sugilanon ni Ernesto D. Lariosa
San Fernando, Cebu


NAMATIKDAN ko ning hapuna ang masanagong panagway ni Oktot Saryo human masabot namo si Bosyong, ang haranista sa among baryo, nga gitugahan og mabugnawng tingog. Daghan ang mosuhol kaniya labi nang naninguha ang mosuhol sa usa ka babaye. Sa kadaghang mosuhol kaniya, daghang mga dalaga nga manugot sa nanagsuhol tungod sa iyang harana.

“Di ko pasuhol nimo, Parts Rogel, ikaw gud ang tigsuwat sa akong mga love letter.”

“Kon mao, salamat kaayo, Parts Bosyong. Mouban man ni si Oktot Saryo nato, siyay moduyog nimo.” Gilingi nako si Oktot Saryo nga dako kaayog pahiyom. Kini si Oktot Saryo, among barkada nga buktot, maoy ngilngig nga gitarista sad sa baryo. Tungod sa maong sabot nag-inom mig tuba sa ilang Noy Goning ning hapuna. Tungod sa among kasabaan nahibawo na nuon si Noy Goning nga mangharana mi kang Mila, usa ka guwapang maestra nga taga Bohol, nga nagbakasyon dinhi sa iyang iyaan nga among silingan.
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 88225
  • "Better to remain silent and be thought a fool...
Re: Harana ni Bosyong
« Reply #1 on: November 07, 2015, 08:38:26 PM »
Tugob sa kadasig si Oktot Saryo nga nagda sa iyang sista. Gihabulan na sa kangitngit ang kalibutan. Wa pa makaabot ang elektrisidad sa among baryo. Nagpitok-pitok na ang kahayag sa mga sugang lampara sa kabalayan. Pusturawo kaayo si Oktot Saryo sa puwa niyang T-shirt.

Sinaw kaayo ang iyang kulungong buhok kay gi-pomadahan og Pals. Dako kaayog ngisi ang buktot sa akong pag-abot sa eskina. “

Si Bosyong, Bay Rogel.” Wa palibak si Bosyong kay kusog naglakaw padung namo uban ni Bay Epeng, ang palahubog sa among barkada.

“Ato unang dimdimon kadtong gi-order nakong tuba sa ka-Noy Goning, mga amigo!”Agda dayon ni Bay Epeng nga nagtisngi. “Para ganahan si Bay Bosyong nga mokanta.”

Mao pa gyuy pagsubang sa linging buwan. Mihuyop ang mabugnawng hangin. Mikuting-kuting dayon si Oktot Saryo sa iyang pasakalye.
...than to speak out and remove all doubt." - Abraham Lincoln

hubag bohol

  • AMBASSADOR
  • THE SOURCE
  • *****
  • Posts: 88225
  • "Better to remain silent and be thought a fool...
Re: Harana ni Bosyong
« Reply #2 on: November 07, 2015, 08:39:09 PM »
Miawit si Bosyong sa mahawot kaayong tingog nga nakapakurog sa akong kasingkasing. Hastang mga humot nga buwak sa champaca sa duol nangatagak gud. Misikad pa gayud ang bugnawng hangin nga gisakyan sa tingog ni Bosyong. May mikagiki sa itaas sa balay. Daw giganahan sa harana. Unya, may miigham nga lalake. Si Titi Eko ang miigham, bana ni Nang Sayong nga iyaan ni Mila.

Wa damha mibalak si Bay Epeng sa nagkanguhal nga tingog kay hubog. “ Iii…kaw.. Ta.. Tasing ang.. bu…wak nga.

naka…pa..ki..hod..uy…. ning … du..dug..han he he he…!”

Si Tasing ig-agaw ni Mila nga kihod. Apan sama kang Mila maayog hitsura. Kanunay ning mokuyog kang Mila sa tingbakasyon dinhi sa among baryo, Unya, mikagiki si Bay Epeng.

“bu****!!!” May misinggit, Nagkagubot ang taas. Wa na ko mohuwat sa sunod mahitabo. Midagan ko gukod nila ni Parts Bosyong ug Bay Epeng tadlas sa kahayag sa kagabhion. Si Oktot Saryo nauwahi nga naggakos sa iyang sista. Nakit-an siya ni Titi Eko nga nagwaldas-waldas sa sinaw niyang pinuti. “ Hoy, buktot, huwat animala ka!”
...than to speak out and remove all doubt." - Abraham Lincoln

hubag bohol

  • AMBASSADOR
  • THE SOURCE
  • *****
  • Posts: 88225
  • "Better to remain silent and be thought a fool...
Re: Harana ni Bosyong
« Reply #3 on: November 07, 2015, 08:39:54 PM »
Nahibaw-an nga kami maoy nangharana niadtong gabhiona. Nauwaw ko kang Mila. Ang buktot nasuko pag-ayo kang Bay Epeng, hasta ko giapil kay siya ang napasanginlan nga nagbugalbugal. Nahibung ko nga wa masuko nako si Mila dihang nagkatagbo kami ug wa ko makalikay. Mibisita ko kang Mila sa daghang higayon hangtod nagkauyab mi. Kinsay di mosugot nako nga graduating na man ko sa civil engineering?

Kay wa na masuko nako, mikuyog si Oktot Saryo sa akong pagpamisita kang Mila. Wa ko magdahom sa akong nakita. Nagtinutokay sila si Oktot Saryo ug Tasing kihod. Way pulong gilibkas sa ilang mga ngabil. Apan may kahinam nga giutong sa ilang mga mata. Mikuhit nako si Mila nga nakasabot sa akong kahibung. “ Uyab man na sila sa miaging tuig pa.” Wa ko makatuo sa akong nadungog. Ang buktot kong higala abtik pa sa langgam nga manatad.

Nakasabot na ko nganong suko kaayo siya kang Bay Epeng. (KATAPUSAN)


Gipatik sa mantalaang SuperBalita Cebu Nobiembre 08, 2015.
...than to speak out and remove all doubt." - Abraham Lincoln

Lazada Philippines

 

Mobile View
SimplePortal 2.3.6 © 2008-2014, SimplePortal