GIMAHAL KA NAMO GLEN (Gemma)
Kalit ug sama sa kusog nga unos ang kalit mong pagbiya
Sakit ug hapdos nga sama sa bug-at nga tamparos
amo karong tanan nga gibati.
Ngano ug unsay hinungdan?
Kini maoy pangutana nga magpabiling tegmo sa
among alimpatakan.
Ako, siya, o kinsay sad-an?
Sa imong gibati nga tumang kasakit
...gipatik mo sa katapusang panamilit.
Mora kami ug nangnga-amang sa mga
pangutana nga walay maka-ako sa pagtubag.
Asa kami mangayo ug mga tambag?
Hangyo ko lang ug kini tinggog usab sa tanan...
Hinaut nga imo ako, sila, kami nga mapasaylo,
sa mga sayop nga wala tuyo-a nga among nahimo.
Sayod ka...ikaw among gimahal ug gipangga
Dili lang tungod sa imong gipakita nga kaayo ug
ug pagka-matinabanggon.
Paabuton namo ugma nga ikaw mobalik diri sa atong Forum.
Nagkigan sa kahiladman sa imong kasing-kasing
ang kamatinud-anon sa imong mga binuhatan.
Sangko sa langit ang among mainitong pasalamat,
dili kini namo hikalimtan bisan ug ang tanan
dunay katapusan.
I love you dear Glen, my friend
Sinulat ni Bambi
alas 5:00 sa hapon (German time)
July 20, 2008
Linkback:
https://tubagbohol.mikeligalig.com/index.php?topic=13956.0