ni Gerard Pareja
Unom na ka buwang wa mi magkita
Maong sa kahinagop buot dayon akong mogakos
Apan mi atras siya mi-ingo'g
Ayaw ko'g hikapa kay baho kong buwad
Gi-inat ko ang akong liog paingon kaniya
Ug ako siyang gihingos ug giingnag, sagdi lang
Di man kaha ko mangaskaro nimo
Dili nako, amaw, apan basin sa buwad
Akong gikuptan iyang bukton ug gihinay
Ko siyag bira paingon sa balde para manghinaw
Apan milugnot kinig mi-ingo'g
Ayaw diha, naa akong amo ga sugba'g buwad
Ug didto tuod unahan sa gabagang uling
May gapauraray nga ga ingkib og pusit, maong
Gipangutana ko siyag nakigsao ba siya niini
Ngyega no! Papalita siya'g iyang buwad!
Kay wa akoy angay ipanghupaw, wa ako'y angay
Ibagulbol, mihangad na lang ako sa buwan,
Mipaak sa ngabil ug ga-imagine og parat.
http://bathalad.blogspot.com/sa kahigwaos naga agolo...