Booking.com

Author Topic: Balak: Ikog mo sa kilat ko  (Read 575 times)

hubag bohol

  • AMBASSADOR
  • THE SOURCE
  • *****
  • Posts: 87855
  • "Better to remain silent and be thought a fool...
Balak: Ikog mo sa kilat ko
« on: October 16, 2016, 09:36:59 PM »
Ikog mo sa kilat ko
ni Ernesto D. Lariosa
San Fernando, Cebu





Salabtunon kaayo ang bakanteng langit
Ang dagway sinaw kon hapuhapon
Wa ganiy mga butlog moungot sa mga kamot
Huping pa sa hangin nga nasangit sa ilong ko
Sa akong panghupaw ikaw nakasabot niini:
Di ko motuo sa kahimtang nga kanunay
Magpasilong ta sa landong sa kahangturan.
Kay mangluod man sab ang limpiyong panganod
Ning atong pagsunod-sunod sa mga adlaw
Mokalit lag paghot ang mga dugdog
Ibabaw sa atong agtang diin kita mauknol sa lanog
Mowiriswiris dayon ang mga tudlo sa kilat
Apan di ka malisang kay ako na ning gigunitan
Imong gipaabot na lang ang pag-ulbo sa langit
Ang pagpanulong sa nanagong mga ulan
Kay mikitoy-kitoy kang mihiram sa akong kaisog.


Gipatik sa mantalaang Superbalita Cebu Oktubre 15, 2016.
...than to speak out and remove all doubt." - Abraham Lincoln


hubag bohol

  • AMBASSADOR
  • THE SOURCE
  • *****
  • Posts: 87855
  • "Better to remain silent and be thought a fool...
Re: Balak: Ikog mo sa kilat ko
« Reply #1 on: October 16, 2016, 09:38:17 PM »
...than to speak out and remove all doubt." - Abraham Lincoln

MIKELIGALIG.com

  • FOUNDER
  • Webmaster
  • *****
  • Posts: 20405
  • NEED A WEBSITE? 09206301130 | info@mikeligalig.com
Re: Balak: Ikog mo sa kilat ko
« Reply #2 on: October 17, 2016, 04:14:30 PM »
Murag 70 plus na ni si Ernesto Lariosa. Nag-uban pa ni sila ni Chito Visarra didto sa NFA Manila in  the 70s.
Romans 10:9-10
"If you declare with your mouth, “Jesus is Lord,” and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

Lazada.com.ph Search ProductsBooking.com Hotel Search | SitemapRSS Feeds

hubag bohol

  • AMBASSADOR
  • THE SOURCE
  • *****
  • Posts: 87855
  • "Better to remain silent and be thought a fool...
Re: Balak: Ikog mo sa kilat ko
« Reply #3 on: October 22, 2016, 11:23:24 AM »
Hmm, pero morag hanas pa nga momugna og mga kilat ug dugdog... 8)
...than to speak out and remove all doubt." - Abraham Lincoln

islander

  • SUPREME COURT
  • THE LEGEND
  • *****
  • Posts: 43388
  • If you're from Pluto, you're welcome.
Re: Balak: Ikog mo sa kilat ko
« Reply #4 on: October 22, 2016, 02:43:56 PM »

i can say that i know both ernie and chito personally. maguwang si ernie ni chito by more than a decade, sa akong banabana.
Republic Act 8485 (Animal Welfare Act of 1998, Philippines), as amended and strengthened by House  Bill 6893 of 2013--- violation means a maximum of P250,000 fine with a corresponding three-year jail term and a minimum of P30,000 fine and six months imprisonment

fdaray

  • LUMINARY
  • ***
  • Posts: 5033
  • In my twilight days..... I shine still shine..
Re: Balak: Ikog mo sa kilat ko
« Reply #5 on: January 25, 2017, 03:44:09 PM »
<a href="http://photobucket.com/images/moon" target="_blank"><img src="http://i709.photobucket.com/albums/ww99/kenhapon55/moonbees_croman_big.jpg" border="0" alt="moon photo: moon moonbees_croman_big.jpg"/>[/url]
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

fdaray

  • LUMINARY
  • ***
  • Posts: 5033
  • In my twilight days..... I shine still shine..
Bulan sa Imong Pagdako
« Reply #6 on: January 25, 2017, 03:51:33 PM »


Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

fdaray

  • LUMINARY
  • ***
  • Posts: 5033
  • In my twilight days..... I shine still shine..
Bulan Pagkatahom mo
« Reply #7 on: January 25, 2017, 03:52:45 PM »
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

fdaray

  • LUMINARY
  • ***
  • Posts: 5033
  • In my twilight days..... I shine still shine..
Pagkahanaw sa Kanhiayng Kultura
« Reply #8 on: January 25, 2017, 03:57:32 PM »

Ang Pagkahanaw sa atong Kanhiayng Kultura
 
Ni Felix B. Daray
(napatik sa Manila Bulletin sa Bisaya Magazine, Nob, 9,2016)
   
    Usa ka gabii dihang nahiuli ko sa Bohol, midalikyat kog suroy ubos sa among karaang balay. Hayag ang kagabihon; daktol ang  buwan. Mihangad ko ug gitutokan ang iyang kahayag. Mikuhit sa akong panan-aw ang mga langgam nga  nag-utaw-utaw sa ibabaw; dihay miagik-ik, may mikupokupo sa sanga sa lansones, may mga bunga nga nangahulog. Milantaw kog balik ug daw gisanapan sa lunhawng panganod ang bulan. Mopid-ok unya mobalik ra usab ug dan-ang ang iyang bulawanong silaw.
    ”Kaanindot ug katahom sa bulan,” nakatuaw ko sa hilom.   Nanumbalik ang akong panahon sa kabatan-on nga  sama niini, madungog nako ang tinagingting sa gitara uban sa mananoyng awit nga “bulan pagkatahom mo, sama ka maanyag nga bulak nga akong gimahal, pagkaanindot sa imong silaw” gikan sa mga nagharana. Kini ang sagad buhaton sa mga ulitawo sa pagpadayag sa ilang gugma sa mga bulak niadtong panahon sa nag-ulitawhay pa ako, mga tuig 1960. Nahinumdom ko sa awit nga Carmela, Matud Nila ug Tirana nga sagad maoy awiton sa akong Nanay diha sa among balay kay mahiligon to siyag kanta.  Ug kon dunay mga programa o hikay-hikay sa among barangay, moapil gyod to siyag kanta. Karon, wala na, nasalibongan sa mga modernong awit, nga usahay morag saba paminawon..
    Midalikyat kog pungko ilawom sa kasagingan. Akong gianinaw ang palibot. Ug unya nadungog ko ang lagubo sa tugtog sa sound system  kay adunay disko  sa barangay, Disperas diay kadto sa pista. Misilip ko sa unahan kay lagi malantaw ra man sa akong nahimutangan ang plasa diin didto ipahigayon ang kalingawan. Midan-ang ang nagkalainlaing kolor sa mga suga nga nagtuliyok ug nagkidlapkidlap.
    Mipaingon kos karsada. Gikasugat nako ang panon sa mga batan-on. “Maayong gabii, ‘Kol,’ maayong gabii Tiyo” sunod-sunod nga pangayo nilag katahuran. Diha pay lain nga miingon, maayong gabii Tay. Nahiuknol ko kay ‘tay’ ug kol naman sa itahod nila sa mga tigulang. Sa kami pay mga batan-on Manong, Manoy o Ingko man ang among itahod. Pagkalain na gyod sa panahon karon.
Akong nahinumdoman nga sa  mga tuig 1960, ang  Komparsa ni Pedro Tapay sa barangay Canangcaan sa lungsod sa Corella,  maoy mosilbi sa sayawan. Kinaham ug sagunson ang tugtog nga sweet music diin magginaksanay ang mga nanayaw. Magpulipulig panayaw pinaagi sa rebon, “ang mosayaw karon pula,” tuaw sa anawnser.  Maoy mopasagadsad sa ilang mga tiil ang  taliwtiw nga tingog sa trumpet, ang siyaok sa saksopon ug daw morag basag nga  tingog sa trombon, uban sa linagobo sa drum.
    Sa atong panahon karon, gihulipan sa mga kanta nga morag saba paminawon, ang kantang, classics  jazz, rap ug uban pa morag siyagit  ug way tuno. Apan mao kini ang uso  ning high tek nga  panahon. Halos dili mahimulag ang selpon kay siging nagteksteks. Ang kadaghanan sa mga bata-on karon naadik sa internet sa mga dulang Dota ug Crosfire.
    Nahanaw na ang mga awit nga Kundiman kun mga kanta sa gugma, mga banikanhong awit ug mga haranang, lumad Binisayang Sinugbuanon. Dili na nato masud-ong ang kaanyag sa bulan kay gisalimbongan na sa kahayag sa sugang de kuryente, ug sulaw nga siga sa mga sakyanan, ug street lights. Kon dulom, wa na nato gilantaw ug gisud-ong ang kaanyag sa nagkidlap-kidlap nga siga  sa mga mata sa kagabihon –ang kabituonan. Dili na nato  makita ang mga nangharana, dili na madungog ang mga awit sa gugma ug tinaginting sa gitara; kay didto sa nagyampungad sa bediokehan ug sa diskohan ang mga batan-on.
    Kining mga kulturang Pilipinhon mangahanaw ba gyod kini sa dayon? Sama ba kaha kini sa kahayag sa buwan nga usahay salimbongan sa mga panganod apan  unya mobalik ang bulawanong  kahayag? O sama ba kaha sa akong kabatan-on nga dili gyod mobalik kay motunod na sa kasadpan?
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/


 

Mobile View