Author Topic: Asa Na Ang Mga Aninipot? (Read 2700 times)

pioneer · « **on:** August 02, 2007, 11:59:23 PM »

Gitagik ni Mike Ligalig

Asa na kadtong mga aninipot
nga mangatagak sa akong mga mata
matag sud-ong ko kanila
panahon sa mamingawng kagabhion,
mga aninipot nga dili maihap,
tanan naghagwa-hagwa sa lingganay
sa mga bulak daplin sa kalsada
atbang sa kabos namong panimalay.

Kaniadto daghan ang mohunong
tungod sa balay gikan sa pagbaklay,
mahinangop sa kaanindot sa mga aninipot
bugtong nagkidlap sa naglagitum
nga kangitngit - kauban mga bituon.

Sauna maglingkod lang ko sa lantay,
magsandig sa kahoy nga mahogany,
magsud-ong sa mga aninipot -
ang uban kanila motugdon
sa akong palad nga gibukhad,
unya sa ilang paglupad balik sa bulak
binlan ko nila ug kahumot sa kahayag.

Moabot ang lawom nga kagabhion,
padayon ang pagsud-ong sa mga aninipot,
malimot ko sa katulogon
kay mga aninipot naghatod kanako
ug mga pangutana - langit lang nasayod.

Karon sa akong pagbalik sa balay,
magpalabay sa kagabhion sa lantay,
nangita ko sa mga aninipot;
gihandum ko ang ilang mga pako
diin misakay ang akong handurawan.

Asa na ang mga aninipot?
Asa na ang mga aninipot?
Nganong ilang gitalikdan
ang nangalawos nga kabulakan?

Linkback: https://tubagbohol.mikeligalig.com/index.php?topic=3077.0

Macky Ferniz · « **Reply #1 on:** August 03, 2007, 01:17:53 AM »

O Inday,
Sa akong paglabay sa inyong balay, unahan sa Candijay,
Akong na aninaw ang maanindot nga silaw
Sa akong pag sipat, dakong du-ot sa aninipot
Usa ka dayan-dayan, gikan sa kinaiyahan.

Apan hikalimti ayaw, paglantaw
Samtang ako naglakaw sa dalan nga mamingaw
Ako masagipot, na-ugdok, nakakita ug daghang aninipot,

O inday, tungod sa inyong aninipot, ako nawad-an ug panimoot

Dili na nako tas-on, kining akong sugilanon,
Kanimo Mike, ako mapasalamaton,
Dinhi sa imong Tubag, ako naka-kaplag, maoy bugtong makahupay sa sakit sa among hubag.

Linkback: https://tubagbohol.mikeligalig.com/index.php?topic=3077.0

hazel · « **Reply #2 on:** August 03, 2007, 05:34:58 AM »

Sus! wala man intawn ko talent aning balak oi...suwayan kuno beh.

mo padayag nalang ko sa akong kalipay
nga ang handumanan sa aninipot maka hupay

akong na hinumduman
ug sa dihang nag tago ang buwan
ang kasiga sa aninipot
maoy nag lamdag sa ka gab-ihong napikot.

tabanga ko!

Linkback: https://tubagbohol.mikeligalig.com/index.php?topic=3077.0

Macky Ferniz · « **Reply #3 on:** August 08, 2007, 12:56:02 AM »

O Inday,
Sa akong paglabay sa inyong balay, unahan sa Candijay,
Akong na aninaw ang maanindot nga silaw
Sa akong pag sipat, dakong du-ot sa aninipot
Usa ka dayan-dayan, gikan sa kinaiyahan.

Apan hikalimti ayaw, paglantaw
Samtang ako naglakaw sa dalan nga mamingaw
Ako masagipot, na-ugdok, nakakita ug daghang aninipot,

O inday, tungod sa inyong aninipot, ako nawad-an ug panimoot

Dili na nako tas-on, kining akong sugilanon,
Kanimo Mike, ako mapasalamaton,
Dinhi sa imong Tubag, ako naka-kaplag, maoy bugtong makahupay sa sakit sa among hubag.

Actually, this is a rhyme, as in nursery rhyme. But is a basic and most common form & style in Visayan Poetry. It is simple, symetric and mixed with comedy.

I will try writing a standard poetry using Visaya medium. This time, I will avoid using rhyme. I will incorporate some drama, irony and tragedy. It is quite sentimental.

Please check my new post and hope you'll like it.

Linkback: https://tubagbohol.mikeligalig.com/index.php?topic=3077.0

pioneer · « **Reply #4 on:** August 31, 2007, 06:42:08 PM »

If I remember those fireflies swarming outside our house I would feel so emotional about it "kay sa matag sud-ong ko sa mga aninipot, gihakot ko ang mga damgo sa Anda sa nanglabayng katuigan."

Linkback: https://tubagbohol.mikeligalig.com/index.php?topic=3077.0

MikeLigalig.com

Author Topic: Asa Na Ang Mga Aninipot? (Read 2700 times)

pioneer

Asa Na Ang Mga Aninipot?

Macky Ferniz

Re: Asa Na Ang Mga Aninipot?

hazel

Re: Asa Na Ang Mga Aninipot?

Macky Ferniz

Re: Asa Na Ang Mga Aninipot?

pioneer

Re: Asa Na Ang Mga Aninipot?