Ang Pag-inusara Ug Ang Saad Sa Gugmaby:
BugsaYUbos sa dakong landong sa kamingaw
Usa ka binuhat nag alindasay ug nag duhiraw
Naglantaw sa halayong unahan sa handurawan
Sa lusok sa luha sa kamingaw kini gisalimbungan
Nganong nag inusara niining dangngog nga kalibutan
Nga puno sa kapintas sa kinabuhi ug hubo nga kamatuoran
Nga sa matag liskog nimo bisag usa mo ka-lakang
Ang bung-aw sa pagsuway nag-atang aron ka matulimbang
Hugtan pagkupot ang ligdong nga pakigbisog duyogan sa ping-it sa pag-antus
Ang matag banagbanag sa kangitngit niini mo hulip ug mobanos
Ang sidlak sa masaarong adlaw kanato mongisi ug mobalikos
Maghatag ug hupay sa hunahuna nga gitulisok ug nag-aliwaros
Saad sa gugma sa duha ka maampingong binuhat
Gihudlat sa sa kahingawa ug sa gintang ug gilay-on may naghuwat
Hangtod kanus-a birahon pagbalik ang hikot sa pagpaanod ug pagtugot
Aron ang bukton sa usag-usa duyog sa gugma matag adlaw na magkupot.
Linkback:
https://tubagbohol.mikeligalig.com/index.php?topic=25935.0