MikeLigalig.com

Poetry in Motion gipasundayag sa Cultural Center for Children

SURIGAO CITY, Nov. 1, 2011 (PIA) -– Mabulukong gipasundayag ang Poetry in Motion niadtong miaging semana, Oktubre 27, 2011 didto sa Cultural Center for Children isip pagsaulog sa National Children’s Month uban sa temang “Local Council for the Protection of Children (LCPC), Para Bright Child: Pakilusin, Palakasin, Pagtulungan Natin.”

Ang maong pasundayag gitambongan ni Governor Sol Matugas, BM Myrna Romarate, Mamerto Galanida, Dr. Fidela Rosas, Dr. Evelyn Fetalvero, mga district supervisors ug mga magtutudlo sa Surigao City ug Surigao del Norte division.

Ang maong kalihukan gimugna sa probinsya nga gipangulohan ni Governor Sol Matugas pinaagi sa Provincial Local School Board sa pagpangulo ni Ma. Andrea Mijares, mga consultants nga sila Nene Montinola ug Ellen Amores ug sa pag-abag sa Department of Education sa Surigao City ug Surigao del Norte.

Malipayon ug mapasalamaton kaayo si Governor Matugas nga namugna ang maong kalihukan aron maipakita ug mahasa ang mga talent sa mga kabataan kay sila man ang ugma sa atong probinsya.
Gipamahayag ni Goberbador Matugas nga ang tumong ug tuyo sa paghimo og Cutltural Center for Children mao ang pag-umol ug paghasa sa nagkadaiyang mga gasa ug talent sa mga kabataan sa Surigao. Dugang pa niya, kinahanglan nga mapadak-an pa ang maong lugar aron gayod mamaayo ang pagpasundayag sa mga kalihukan og maka cater pa sa mas nako nga manan-away. (Provincial Information Center/PIA-Surigao del Norte)

Linkback: https://tubagbohol.mikeligalig.com/index.php?topic=79800.0