Malakanyang nagluksa sa pagpanaw ni Cardinal Sinby CL Cadorna
Cotabato City (24 June 2005) -- Nagpahayag ng malaking kawalan ang Malacanang sa pagyao ni Manila Archbishop Jaime Cardinal Sin.
Ang kanyang pagkawala ay itinuturing din nito na isang trahedya sapagka't ayon sa Malacanang, naging haligi na siya ng demokrasya sa Pilipinas matapos niyang pamunuan ang mapayapang pagkilos ng sambayanang Pilipino para bawiin ang kalayaan noong 1986.
Dalawang ulit na pinamunuan ni Cardinal Sin ang mapayapang rebolusyon sa bansa. Naging sandigan si Cardinal Sin ng mga lider ng ating pamahalaan, maging ito'y ukol sa pamahalaan, policy at personal na bagay.
Upang tapatan ang sakripisyo at pagmamahal ni Cardinal Sin sa sambayanang Pilipino, isang napakalaking hamon para sa bawa't isa ang ituloy ang kanyang laban tungo sa pangangalaga ng demokrasya sa bansa, mahalin ang bawa't kapwa at panatilihin ang tibay ng pananampalataya, panawagan ng Malacanang. (PIA)
Linkback:
https://tubagbohol.mikeligalig.com/index.php?topic=86595.0