dunay istorya mahitungod sa akong amigo nga taga cebu. Well-known kaayo ang bohol sa "ija-ija, aho-aho". Nangutana siya nako, unsa daw ka kuripot ang mga bol-anon? Akong gitubag, ang ija-ija, aho-aho nga pinulungan, sama ra na sa cebuano "iya-iya, ako-ako". Sa laktod nga pagkasulti, "iyahay"
Atol sa sinulog ni adto ko sa ilaha, syempre fiesta baya nya wala ko pakan-a, ako siya gi ingnan dili diay tanang taw inyong pakan-on? Ingon siya mga kaila ra. Nya kay kaila man ta, tubag sad siya nako nga wala kaila akong parents nimo mao wala ka agdaha. Ako siyang gi ingnan nga dili diay sa bohol ra ni exist ang ija-ija, aho-aho. Mas grabe pa sa inyo!
Fiesta sa Bohol nikuyog siya nako kay gusto motan-aw ug Bohol. Dili sa panghambog, halos tanang taga bohol basta fiesta, besperas pa gani nagsugod na ug luto para sa fiesta. Gi-ihaw ang baboy besperas pa nya perting kaon ug inom niya. Sagol2x na gani ang gi-inom kay klase2x man sad ang imnonon kada grupo nga bisita sa balay. Hubog na siya nga gidala namo sa discohan, pag abot sa discohan, gidala mi sa akong mga paryente kay pamistahon sa ilang balay, kuyog sad mi, inom gihapon hangtod nga nagkaligid2x jud siya sa kalubihan duol sa discohan. Ambot unsay nasulod sa ulo pataka man jud siya ug inom, wala mi ka human sa disco kay pwerte naman jud niyang huboga nya dili na kalakaw mao gihatud nalang nako sa balay gidayongan. Pagka fiesta sa buntag, nakamata siya pero wala pa siya mahuwasi, pero nibalik na sad ug inom, grabe niyang inom hangtod gi tabang.
Wala na siyay hanaw unsay hitsura sa fiesta kay gipakatulog ra siya hangtod nahapon.
Pagka liwas fiesta, nagpanglingo kay grabe daw kaayo ang taga bohol kong mag fiesta, pangandaman jud daw nato. Pagbalik niya sa Cebu, nanabi didto nga sa Cebu ra daw ang fiesta nga dili kakaon kong dili kaila, sa bohol daw hulam-hulaman daw ang bisita sa mga kabayanan.
Maayo pa jud daw ta ug atiman ug bisita.
Linkback:
https://tubagbohol.mikeligalig.com/index.php?topic=18177.0