Friday, August 5, 2011
DEAR Noy Kulas,
Tagoa lang ko sa ngan nga Strong, 32. Minyo ko ug dunay mga anak. Nagtrabaho ako sa usa ka opisina dinhi sa Cebu City. Sa akong trabaho, kanunay kong naa sa akoang boss nga babaye kay importante man ang akoang role sa kompaniya.
Di malikayan nga dunay mga meeting sa gawas or out-of-town nga kuyog mi ni Mam. Siya mga 40 anyos kapin apan sexy gihapon kaayo ug mas bata tan-awon kay sa iyang edad.
Gwapa sab siya. Duna siyay mga anak apan di mailhan kay slim gihapon siya. Sa laktod, bisan sa iyang edad, di malikayan nga duna gihapoy maibog niya, apil na ko.
Ang iyang bana toa sa abroad nagtrabaho ug mouli lang kada tuig ug mopuyo lang diri og usa ka buwan dayon balik sa gawas.
One time, samtang nag out-of-town meeting mi sa amoang usa ka client, kami ra ni Mam ang nagkuyog sa usa ka resort. Human sa business meeting, nakig-inom namo og red wine ang client. Medyo nahubog kog gamay pagkahuman. Miuli ko sa akoang room aron mopahuway. Apan si Mam nikuyog nako kay wa pa siya magduka.
Bisan katulgon ko, akoang giagwanta kay maikog ko sa akoang boss. Samtang nag estorya mi ug nanan-aw og salida sa cable, akoang gikuptan ang iyang kamot ug siya wa mopalag.
Didto akoa siyang gihagkan kay nanginit na man ko. Nagromansa gyud mig maayo ug didto nako nahibaw-an unsa siya ka uhaw sa sex. Uhaw ug hot si Mam. Nitug-an siya nako nga gihidlaw siya kay wa ang iyang bana.
Sukad niadto, mangita na mig oras nga mag-sex, bisan sulod sa opisina nga kami rang duha, magpa-pretend nga mag-overtime. Karon, nakonsensya kaayo ko kay buotan baya ang akoang asawa. Love sab nako ang akong pamilya. Apan lisod likayan si Mam kay naa ko pirme sa opisina ug ambot, lami gyud siya ug maayo sab modala nga wa nako matilawi sa akong misis. Naglibog gyud ko, Noy, Kulas unsay akoang buhaton. Please tambagi ko.
STRONG
Linkback:
https://tubagbohol.mikeligalig.com/index.php?topic=42737.0