Leo,
Ang imong suliran ma-classify nga erectile dysfunction kay maglisod na man ka pagpabarog kang junior bisan kon batan-on pa imong edad. O kon mogana man gani, maglisod ka pagpugong nga di mokuyos. Di ko ganahan motagna unsay hinungdan niana kay di baya ko doctor. Hinuon, nakahibawo ko sa daghang mga hinungdan niana, sama sa psychological ug physical nga hinungdan sama sa epekto sa drugs, sakit nga wa mo mahibaw-I pa hangtod karon nga naa ka niana, sama sa diabetes, sakit sa kasingkasing, hypertension, pagsigeg inom og alcohol ug uban pa.
Mao nang sa kadaghan sa mga hinungdan, lisod kaayong I pinpoint unsay ugat o gigikanan sa imong problema. Mas maayo moadto kag urologist aron makatambag siya nimo kon unsay imong buhaton o gikinahanglan ba nimo ang physical exam aron mahibaw-an ang hinungdan niana.
Niadtong akong higalang doctor nga mitaliwan na intawon, kitang mga lalake mahimong mogamit sa atoang sex organ isip usa sa mga pamaagi sa pagtan-aw kon duna ba tay sakit nga wa nato mahibaw-i. Usa niana nga posibleng duna tay sakit, matod niya, mao ang erectile dysfunction.
Busa pagpa-check up. Ayaw kauwaw kay basin baya kini nga problema mokanit diha sa imong married life. Magduda nya nang imong misis og samot nga naa kay lain o di ka na ganahan niya. Kinahanglan ra ba sab nga imong tubagon ang imong obligasyon niya. So, pagpa check up og urogolist nga doctor.
NOY KULAS
Linkback:
https://tubagbohol.mikeligalig.com/index.php?topic=48651.0