Bana gipapreso sa asawa !
PRESUHAN ang gidangatan sa bana human gipapreso kini sa mismong asawa gumikan kay nagmaoy ug nagdala-dala og sundang sa mismong balay niini sa Manuel Gianga, Tugbok District ning dakbayan sa Davao alas 10:00 niadtong milabayng gabii.
Giila ang suspetsado nga si Danilo Amparido, 49 anyos, minyo ug molupyo sa maong lugar.
Sumala sa asawa niini, hubog nga mi-uli ang suspek sa ilang balay ug sa dihang wala nay makaon, nasuko kini ug nagmaoy samtang dala-dala ang usa ka mahait nga sundang.
Gibutyag pa niini nga patyon niya ang iyang pamilya ug si kinsang tawo nga muulang kaniya.
Paspas nga nagpakitabang ang asawa sa mga silingan ang asawa ug didto na kini gidakop og gidala sa kapulisan ang bana.
Nagdesisyon dayon ang asawa sa suspek nga ipapreso kini aron dili na makadisgrasya pa sa laing tawo.(Angel de Vera) - Brigada News
Linkback:
https://tubagbohol.mikeligalig.com/index.php?topic=41047.0