Author Topic: Provincial Capitol ng Ilocos Norte Dinayo ng Turista  (Read 631 times)

pioneer

  • To God be the glory alone
  • FOUNDER
  • GURU
  • *****
  • Posts: 18911
  • stay at home
    • View Profile
    • spiritual preparation
Provincial Capitol ng Ilocos Norte Dinayo ng Turista
« on: October 03, 2014, 06:17:53 AM »
ni Cherry Joy Discaya
LAOAG CITY, Jan. 1 (PIA) -- Mistulang Luneta sa dami ng tao ang paligid ng Provincial Capitol ng Ilocos Norte pagsapit ng gabi sa pagdagsa ng mga lokal na turista.
Naglalakihan at naggagandahan kasi ang tanawin sa paligid nito, lalong-lalo na ang pagningning ng mga ilaw na nakasabit sa lahat ng sulok ng kapitolyo.
Ang kapitolyo mismo ay maituturing nang agaw-pansin sa pagkakaroon nito ng dim-spot light na nakatutok sa kabuuan nito pagsapit ng gabi. Nakakaengganyo itong pagmasdan.
Sa mga puno naman, may mga nakasabit ding korteng ibon na malalaki na siyang nagsisilbing ilaw sa palibot ng kapitolyo. Sila ang nagbibigay liwanag sa kabuuan nito.
Sino naman ang hindi maaaliw sa mga higanteng halaman na ang mga dahon nito ay umiilaw, nakapuwesto ito sa magkabilang gilid ng kapitolyo. Mga higanteng halaman na para bang nananahon ng kulay lilac na diyamante sa kislap.
Hindi ka din maliligaw ng oras habang namamasyal ka dito sapagkat may built-in giant clock na hinulma gamit ang ‘garden soil’ at ‘bermuda’ glass. Sa paligid nito’y may mga bulaklak na eksakto para sa picture taking.
Ang kambal naman sa ‘fountain’ sa harap ng kapitolyo na may sukat halos dalawampung talampakan (20 feet) ay nakakapagparelaks sa buong katauhan sa tunog na agos ng masagang tubig nito.
At nalulula naman ang mga tao sa higanteng ‘Christmas Tree’ na tinatayang may sukat na mahigit-kumulang dalawampu’t anim na talampakan (26 feet), dinesenyuhan ito ng mga bulaklak na korteng poinsettia at nakabitan ng mga ilaw na mistulang naghuhulugan.
Lahat ng bumibisita dito ay kakikitaan ng galak at pagkamangha sa larawan ng kapitolyo. Karamihan sa kanila ay nangunguha ng litrato.
“Hindi mo talaga maiiwasang hindi tumigil at kumuha ng picture kapag napadaan ka dito, maliban sa maliwanag dahil sa dami ng ilaw, napaka-relaxing at maluwang ang paligid, tamang-tama para sa bonding ng pamilya,” patunay ni Jennifer Ramos sa kanyang pamamasyal kasama ang kanyang pamilya.
Kung tutuusin, hindi lamang ang Provincial Capitol ng Ilocos Norte ang kakikitaan ng malaking pagbabago, kung hindi pati na din ang mga programa na nakakapagpabuti sa ekonomiya partikular na ang turismo ng probinsya. Ito ay sa pamumuno ni Gob. Imelda “Imee” R. Marcos. (JCR/CJD-PIA 1 Ilocos Norte)

Linkback: https://tubagbohol.mikeligalig.com/index.php?topic=79060.0
Romans 10:9
"That if you shall confess with your mouth the Lord Jesus, and shall believe in your heart that God has raised him from the dead, you shall be saved."
👇👇👇
Na-try mo na ba yung Tala app? Reliable sa unexpected expenses at laking tulong sa future! Use this code 9SO1TSL or visit www.tala.com to sign up!

unionbank online loan application low interest, credit card, easy and fast approval

Tags: