Dalawidaw ikaw kon mag-ambahanon
Yuhum mong balanihon may binalaybay
Duhang larawan mo sa dalamgohanon
Diwata sa bukid kag kataw sa baybay.
Tumandok sa bukid, nabun-ag sa payao
Nayon sa tuburan nga daw handurawan
Tubig nagatigay sang imo kaanyag,
Kag nangin salamin, hublas mong larawan.
Diwata sa talon, bulak nga ilahas
Sa kapalaran nga daw gapasimpalad
Alibangbang lamang labing makahas
Makagsuyop sang kayuyom sinang sipad.
Sadtong kagab-ihon nga punong himaya
Sa isang payag kita nagsumpaanay
Didto ta pinanggas ang dili malaya,
Putling handumanan sang gugmang panganay
Linkback:
https://tubagbohol.mikeligalig.com/index.php?topic=39839.0