Sugilanon ni Ernesto D. Lariosa
San Fernando, Cebu
NAMATIKDAN ko ning hapuna ang masanagong panagway ni Oktot Saryo human masabot namo si Bosyong, ang haranista sa among baryo, nga gitugahan og mabugnawng tingog. Daghan ang mosuhol kaniya labi nang naninguha ang mosuhol sa usa ka babaye. Sa kadaghang mosuhol kaniya, daghang mga dalaga nga manugot sa nanagsuhol tungod sa iyang harana.
“Di ko pasuhol nimo, Parts Rogel, ikaw gud ang tigsuwat sa akong mga love letter.â€
“Kon mao, salamat kaayo, Parts Bosyong. Mouban man ni si Oktot Saryo nato, siyay moduyog nimo.†Gilingi nako si Oktot Saryo nga dako kaayog pahiyom. Kini si Oktot Saryo, among barkada nga buktot, maoy ngilngig nga gitarista sad sa baryo. Tungod sa maong sabot nag-inom mig tuba sa ilang Noy Goning ning hapuna. Tungod sa among kasabaan nahibawo na nuon si Noy Goning nga mangharana mi kang Mila, usa ka guwapang maestra nga taga Bohol, nga nagbakasyon dinhi sa iyang iyaan nga among silingan.
Linkback:
https://tubagbohol.mikeligalig.com/index.php?topic=81327.0