ANG BALAK SA PAHAK
Ben Salgado
Hamis ug sinaw
ang tima-an sa akong pagkasi-aw
lingin, ug sama sa singkwenta ang gidak-on
niadtong kang Marcos pang panahon
nahinumduman ko pa ang pagkahitabo
ana-a lamang sa akong pahak
nga maoy gibalak
samtang gihimo ko kini...
ang bakya sa akong tiya,
lapad kaayo ug saba
hinimo sa kahoy
nga labihang kabaga
ana-a pay tansan sa lapalapa
aron kuno dili madakin-as
inig siya mangumpra
didto sa iskina.
ako ug si Islaw
nga akong ig-agaw
ningbisita sa balay
sa among tiya Milay
unya dayon siya nangumpra
nagtugon siya namong duha,
ayaw mog sagbot-sagbot
aron dili mag-gubot
ug dili magsaba-saba
kay bunalan gyuds akong bakya
dili ti-aw ang sulti ni tiya
ug dihang ningtalikod
nagsugod ming duha
gilapok-lapokan ni Islaw
ang sawug nga sinaw
gipatukar ang radyo
unya nagsayaw-sayaw
ung ang bud-bud sa kusina nga gi-gahin
wa gyud binli ug salin
apan,
dihang nadunggan namo ang taguktok
wala mi makalihok sa among kahadlok
ug sa pag-abli ni tiya
nakurat siya's iyang nakita
lapok, sagbot, banha
ug nisagit si tiya, "Haaaay!"
ug gi-andam ang bakya.
apan kusog nga ning sutoy si Islaw
ug akong nahibilin maoy nakatilaw.
karon dako na ko
duha kabo-ok ang akong alumpu-o
ang usa, mao ang da-an
ang lain nahulma sa tansan
apan,
sa kataposan ko nga nadunggan
kataw-anan,
kay si Islaw sa akong tiya nasakpan
gi-opawan.
http://members.tripod.com/Linkback:
https://tubagbohol.mikeligalig.com/index.php?topic=66623.0