Tambagi ko Noy Tikyo: Di maoy nakauna
http://www.sunstar.com.ph/Thursday, March 26, 2015
DEAR Noy Tikyo,
Tagoa lang ko sa ngan nga Tidoy, taga Calinan.
Ang akong problema bahin sa akong uyab karon. Nagkahigugmaay mi apan samok ang among relasyon tungod sa nahitabo kaniya sa milabay nga panahon.
Di man god nako malikayan nga magselos niya kay akong nahibaw-an nga naangkon na diay siya sa laing lalaki sa wala pa mi magka-uyab.
Bag-ohay ra nako ning nasayran ug siya mismo maoy nagsulti niini kanako.
Nahigugma ko niya apan usahay mahasol ko sa nahitabo kaniya kaniadto. Ug kini maoy kanunay hinungdan sa among panag-away.
Dunay mga higayon nga gusto na ming magbuwag tungod niini apan di mahinayon kay nasayangan mi sa lima na mao ka tuig nga relasyon.
Unsa may akong buhaton nga di na ko magselos sa iyang kagahapon? Naglisud ko og dawat nga nakuha na diay siya sa laing lalaki.
Tidoy
Linkback:
https://tubagbohol.mikeligalig.com/index.php?topic=80146.0