Ni ARNOLD BUSTAMANTE
HAPON sa Pebrero 2 sa Purok 1, Barangay Ulbujan, Calape, Bohol:
Usa ka tomboy nang-hostage sa balay sa ginikanan sa iyang uyab nga usa ka pulis. Iyang gipamusil ang inahan ug igsuon sa policewoman tungod sa sobrang pangabubho.
Laing paryente sa policewoman nga nagpuyo sa silingang balay gipsusil patay usab sa tomboy. Ang inahan ug paryente patay dihadiha samtang ang uÂÂyuan gidala sa ospital.
Ang tomboy napatay usab sa mga pulis nga nitubag sa alarma.
Pasado alas 6 sa hapon sa Miyerkules sa Purok 1, Barangay Ulbujan, gisulod ni Maricel Ramos, usa ka tomboy, ang panimay sa pamilyang Cuario aron pangitaon ang iyang uyab si PO1 Rosalie Cuario apan wala ang pulis.
Iyang naabtan si Rosita Cuario, 72, inahan ni Rosalie, ug ang anak ni Rosita nga si Vicente Cuario, 51. Kalit lang nanghasi ang tomboy ug nanion og pusil sa managsuon.
Gipamusil ni Ramos si Rosita ug Vicente, kinsa naigo sa iyang dughan, ug gisunod sa pagpusil si Joel Cuario nga naa sa pikas balay ug nisusi unsay nahitabo.
Patay dihadiha si Rosita ug si Joel samtang si Vicente gidala sa usa ka ospital sa Tagbilaran City.
Napatay sa mga pulis nga nitubag sa alarma si Maricel human nga sila na usab ang gipamusil gamit ang Glock 17 nga armas niini.
Linkback:
https://tubagbohol.mikeligalig.com/index.php?topic=81830.0